Goat Farming Loan:ग्रामीण भागातील तरुण, शेतकरी आणि बेरोजगारांसाठी आता शेळीपालन व्यवसाय सुरू करणे आणखी सोपे झाले आहे. केंद्र आणि राज्य सरकारच्या संयुक्त प्रयत्नांतून सुरू झालेल्या ‘शेळीपालन कर्ज योजना 2025’ अंतर्गत पात्र लाभार्थ्यांना 10 लाख रुपयांपर्यंत कर्ज उपलब्ध करून दिले जात आहे.
या उपक्रमाचा उद्देश ग्रामीण अर्थव्यवस्था मजबूत करणे, शेतकऱ्यांना अतिरिक्त उत्पन्नाचे साधन उपलब्ध करणे आणि स्वयंरोजगाराच्या संधी निर्माण करणे हा आहे.
शेळीपालन कर्ज योजना काय आहे?
शेळीपालन कर्ज योजना ही एक विशेष सरकारी योजना आहे, ज्याअंतर्गत सरकारी व खाजगी बँका इच्छुकांना शेळीपालन व्यवसायासाठी कर्ज देत आहेत. अनेक तरुणांकडे शेळीपालनाची इच्छा असूनही भांडवलाच्या कमतरतेमुळे व्यवसाय सुरू करता येत नाही. अशांसाठी ही योजना मोठी मदत ठरणार आहे.
या योजनेत 50,000 रुपयांपासून ते 10 लाख रुपयांपर्यंत कर्ज दिले जाऊ शकते. ही रक्कम शेळ्या खरेदी, गोठा (शेळीघर) बांधणे, चारा खरेदी, औषधे, देखभाल आणि व्यवसायाशी संबंधित इतर खर्चासाठी वापरता येते.
पात्रता आणि आवश्यक कागदपत्रे
या योजनेचा लाभ घेण्यासाठी अर्जदार भारतीय नागरिक असणे आवश्यक आहे. तसेच त्याचे वय किमान 18 वर्षांपेक्षा जास्त असावे.
कागदपत्रांची यादी
आधार कार्ड, पॅन कार्ड, रेशन कार्ड
बँक पासबुक आणि पासपोर्ट आकाराचा फोटो
कर्ज प्रकल्प अहवाल (व्यवसायाचा खर्च व संभाव्य उत्पन्नाचा अंदाज)
उत्पन्न प्रमाणपत्र, निवास प्रमाणपत्र
समाग्र आयडी आणि मोबाईल क्रमांक
अर्जदाराचा सिव्हिल स्कोअर समाधानकारक असावा आणि तो कोणत्याही थकीत कर्जात नसावा, ही अट महत्त्वाची आहे.
कर्जाची रक्कम आणि परतफेड
या योजनेत अर्जदाराला त्याच्या पात्रतेनुसार 50,000 ते 10 लाख रुपयांचे कर्ज दिले जाऊ शकते. विशेष म्हणजे, वेळेवर परतफेड करणाऱ्यांना पुढील टप्प्यात 50 लाख रुपयांपर्यंत कर्ज घेण्याची संधी मिळू शकते.
बँक आणि कर्जाच्या रकमेप्रमाणे व्याजदर 7 टक्क्यांपासून 12 टक्क्यांपर्यंत असू शकतो. परतफेडीसाठी ईएमआय (हप्ते) ची सोय उपलब्ध आहे, ज्यामुळे कर्जदाराला व्यवसाय चालवताना आर्थिक ताण येणार नाही..