Sanjay Gandhi Niradhar Yojana:संजय गांधी निराधार योजना २,५०० रू हफ्ता अखेर GR आला, तुम्हाला लाभ मिळणार का पहा?
संजय गांधी निराधार अनुदान योजना व श्रावणबाळ सेवा राज्य निवृत्तीवेतन योजनेतील दिव्यांगांना मोठा दिलासा
महाराष्ट्र शासनाचा महत्वाचा निर्णय (दिनांक – १५ सप्टेंबर २०२५)
महाराष्ट्रातील दिव्यांग बांधवांसाठी आज एक मोठा आनंदाचा दिवस आहे. राज्य सरकारने संजय गांधी निराधार अनुदान योजना आणि श्रावणबाळ सेवा राज्य निवृत्तीवेतन योजना या दोन्ही योजनेंतर्गत लाभ घेणाऱ्या पात्र दिव्यांगांना मिळणाऱ्या अर्थसहाय्यात मोठी वाढ जाहीर केली आहे.
गेल्या काही महिन्यांपासून लोकप्रतिनिधी, विविध दिव्यांग संघटना आणि स्वयंसेवी संस्था शासनाकडे वारंवार मागणी करत होत्या की महागाईच्या काळात दिव्यांग व्यक्तींना मिळणारे मासिक १५०० रुपये अर्थसहाय्य अत्यंत अपुरे आहे. त्यामुळे त्यात लक्षणीय वाढ होणे गरजेचे आहे.
गेल्या काही महिन्यांपासून लोकप्रतिनिधी, विविध दिव्यांग संघटना आणि स्वयंसेवी संस्था शासनाकडे वारंवार मागणी करत होत्या की महागाईच्या काळात दिव्यांग व्यक्तींना मिळणारे मासिक १५०० रुपये अर्थसहाय्य अत्यंत अपुरे आहे. त्यामुळे त्यात लक्षणीय वाढ होणे गरजेचे आहे.
शासन निर्णय GR पहा
या मागणीची दखल घेत सन २०२५-२६ च्या पावसाळी अधिवेशनात शासनाने घोषणा केली होती की, दिव्यांग लाभार्थ्यांना मिळणारे मासिक अर्थसहाय्य ₹१५०० वरून थेट ₹२५०० करण्यात येईल.
मागणी आणि पार्श्वभूमी
मंत्रिमंडळाची मान्यता
दिनांक ०३ सप्टेंबर २०२५ रोजीच्या मंत्रिमंडळ बैठकीत या निर्णयाला अंतिम मान्यता देण्यात आली. त्यानंतर सामाजिक न्याय व विशेष सहाय्य विभागाने अधिकृत आदेश जारी केला आहे.
शासन निर्णयाचे मुख्य मुद्दे
अर्थसहाय्यात वाढ
संजय गांधी निराधार अनुदान योजना व श्रावणबाळ सेवा राज्य निवृत्तीवेतन योजना अंतर्गत दिव्यांग लाभार्थ्यांचे मासिक अर्थसहाय्य ₹१५०० वरून ₹२५०० करण्यात आले आहे.
अर्थसहाय्य वितरणासाठी तरतूद
हे सहाय्य सर्वसाधारण, अनुसूचित जाती आणि अनुसूचित जमाती प्रवर्गासाठी करण्यात आलेल्या मंजूर तरतूदीतून दिले जाईल.
इतर योजनांनाही लागू
ही वाढ फक्त दोन योजनांपुरती मर्यादित नसून, इंदिरा गांधी राष्ट्रीय वृध्दापकाळ निवृत्तीवेतन योजना, इंदिरा गांधी राष्ट्रीय विधवा निवृत्तीवेतन योजना आणि इंदिरा गांधी राष्ट्रीय दिव्यांग निवृत्तीवेतन योजना या योजनांतील दिव्यांग लाभार्थ्यांनाही लागू राहील.
थेट खात्यात जमा (DBT प्रणाली)
लाभार्थ्यांच्या आधार संलग्न बँक खात्यातून डीबीटी (Direct Benefit Transfer) पोर्टलद्वारे हे अर्थसहाय्य जमा करण्यात येईल.
अमलबजावणीची तारीख
अर्थसहाय्यातील ही वाढ ऑक्टोबर २०२५ पासून लागू राहील.