Charity Commissioner Recruitment Maharashtra: महाराष्ट्र शासन धर्मादाय आयुक्त कार्यालयात विविध पदांसाठी भरती प्रक्रिया राबवत आहे. यासाठी जाहिरात प्रसिद्ध करण्यात आली आहे. अर्ज करण्याची प्रक्रिया, पात्रता निकष आणि महत्त्वाच्या तारखांची माहिती या बातमीत देण्यात आली आहे. या भरतीसाठी अर्ज करण्याची प्रक्रिया 11 सप्टेंबर 2025 पासून सुरू होणार आहे. तर अर्ज करण्याची शेवटची तारीख 3 ऑक्टोबर 2025 या कालावधीत ऑनलाइन अर्ज करू शकतात.
या भरतीमधून गट ब (अराजपत्रित) आणि गट क मधील एकूण 179 पदे भरली जाणार आहेत. यासाठी विहित शैक्षणिक पात्रता आणि अनुभव आवश्यक आहे. अर्जदारांनी अर्ज भरण्यापूर्वी जाहिरात काळजीपूर्वक वाचून घ्यावी आणि अंतिम मुदतीपूर्वी अर्ज सादर करावा. या भरतीबद्दल अधिकची माहिती या बातमीत देण्यात आली आहे. तसेच अर्जाची लिंकही देण्यात आली आहे. त्या लिंकवर जाऊन उमेदवार अर्ज करू शकतात. वाचा सविस्तर…
धर्मादाय आयुक्त कार्यालयात विधी सहाय्यक, लघुलेखक (उच्च श्रेणी), लघुलेखक (कनिष्ठ श्रेणी), निरीक्षक आणि वरिष्ठ लिपिक पदांसाठी भरती होणार आहे. एकूण 179 पदांसाठी अर्ज मागविण्यात आले आहेत. विधी सहाय्यक (3 पदे), लघुलेखक (उच्च श्रेणी) (2 पदे), लघुलेखक (कनिष्ठ श्रेणी) (22 पदे), निरीक्षक (121 पदे) आणि वरिष्ठ लिपिक (31 पदे) यांचा समावेश आहे.
Maharashtra State Charity Commissioner Recruitment 2025: परीक्षा शुल्क –
अर्ज करण्याची अंतिम तारीख 3 ऑक्टोबर 2025 असून, उमेदवार रात्री 11:55 पर्यंत ऑनलाइन अर्ज करू शकतात. उमेदवारांना ऑनलाइन पद्धतीने अर्ज करायचा आहे. अर्जासोबत आवश्यक कागदपत्रे अपलोड करणे अनिवार्य आहे. अर्ज शुल्क खुल्या प्रवर्गासाठी 1,000 रुपये आहे, तर मागासवर्गीय आणि अनाथ प्रवर्गातील उमेदवारांसाठी 900 रुपये आहे. माजी सैनिक आणि दिव्यांग माजी सैनिकांना शुल्क माफ आहे. शुल्क केवळ ऑनलाइन पद्धतीने भरता येईल. भरलेले शुल्क कोणत्याही परिस्थितीत परत केले जाणार नाही.
उमेदवारांना अर्ज भरण्यापूर्वी अधिकृत वेबसाइटवर प्रोफाइल तयार करणे किंवा अपडेट करणे आवश्यक आहे. नोंदणी आणि भरती प्रक्रियेदरम्यान संपर्कासाठी वैध ईमेल आयडी आणि मोबाइल नंबर अनिवार्य आहे. अर्जातील माहिती काळजीपूर्वक तपासावी. कारण अंतिम सबमिशननंतर बदल करता येणार नाहीत. फोटो, स्वाक्षरी आणि इतर कागदपत्रे अपलोड करण्याच्या सूचना वेबसाइटवर उपलब्ध आहेत.
अधिकृत संकेतस्थळ : https://charity.maharashtra.gov.in
जाहिरातीची पीडीएफ : https://charity.maharashtra.gov.in/Portals
अर्जाची लिंक : https://cdn.digialm.com/EForms/